Demanda batok ni Aiko, gibasura

Not guilty ang hukom ni Makati 3rd Assistant City Prosecutor Josefa D. Laurente sa demanda nga gipasaka ni Madonna Happy Ongpauco-Rivera, batok sa aktres ug konsehala nga si Aiko Melendez.

Wala pa makadawat si Aiko og kopya sa nahisgutan nga desisyon busa nagdumili pa siya pagluwat og pamahayag, apan ang PangMasa nakahupot na og kopya nga gipasa usab nila dinhi sa Banat Hugyaw.

Five counts of slander/ oral defamation ang gisang-at nga reklamo ni Happy batok kang Aiko tungod kay matud pa gipakauwawan siya sa aktres sa mga nagkadaiyang talk-shows sama sa pagtawag niyag bakakon, mapahitas-on ug walay respeto sa mga artista.

Human magka-engkwentro ang grupo ni Aiko ug Happy didto sa Novu Restaurant sa Makati City niadtong nakalabay nga tuig matud pa nga mibisita si Aiko sa nagkadaiyang talk shows ug mipalanog sa iyang habig.

Dungan niini nangangkon si Aiko nga gitawag siya ni Happy ug sa mga higala niini nga "loser," "pokpok" and "addict."

Sa samang higayon gipasakaan usab si Aiko og kasong perjury gumikan sa matud pa pagpamakak niini sa iyang gilatid sa iyang affidavit.

Apan si Laurente walay nakita nga basehanan o dautan sa mga pamahayag ni Aiko atol sa panag-engkwentro sa duha ka habig didto sa restaurant.

Matud pa ni Laurente labaw na nga wala pakauwawi ni Aiko si Happy sa dihang gi-interview ang nahauna sa programa nga The Buzz niadtong October 9, 2005.

Suma pa ni Laurente tinood nga miluwat si Aiko ning maong mga pulong "napakasinungaling na naman ng dating nila" apan ang maong pamahayag matud pa mahug lang pamasangil ngadto kang Happy nga bakakon.

Midugang si Laurente nga lakip na ang pamahayag ni Aiko nga "Porket mga anak mayaman kayo, ang tingin n'yo sa artista, napakababa" nga gipamahayag ni Aiko atol sa interview sa Entertainment Konek dili maisip nga pagpakauwaw.

Kini tungod kay suma pa sa nahisgutan nga Assistant Prosecutor si Aiko igo lang mipahungaw sa iyang gibati ngadto sa grupo ni Happy nga matud pa nangatawa lang ug nangyam-id sa aktres. Suma pa nga ang maong pamahayag opinion lang ni Aiko.