Joseph "tanga" ingon si Sandara

Masaligon si Sandara Park nga hangopon sa publiko ang ilang team ni Joseph Bitangcol pinaagi sa una nilang pelikula nga giulohan og "D' Lucky Ones" nga gigama ubos sa Star Cinema.

"Sa mga probinsiya kung saan kami nagpeperform, tanggap nila kaming dalawa," pagpangangkon ni Sandara atol sa interview sa PangMasa.

Duna hinoon siyay ikabuga sa comedy gani nahugyaw ang mga sakop sa press sa dihang namahayag siya nga "Sobrang bait. Di ko alam kung tanga siya. He is my crying shoulder. He is my stuff toy."

Apan matud pa sa mga himantayon kon basehan ang trailer sa ilang pelikula dili ikalimod nga mas hugyaw ang comedy nga gipakita nila dinhi ni Pokwang ug Eugene Domingo kon itandi sa kang Sandara.

Vilmanians sila si Pokwang ug Eugene ning maong pelikula kinsa nag-ilog sa guapo ug "papable" nga si JR Valentin kinsa nihugyaw kaniadto sa imahinasyon sa mga kabayotan ug kababayn-an via the movie "Ang Pagdadalaga ni Maximo Oliveros."

Pong pa dinhi ni Eugene," Akong piliin mo, dalaga ako," apan mitubag usab si Pokwang " Single mother naman ako!"

* * *

First time diay ni Nikki Bacolod nga misalmot og dako nga singing contest ug swerte siya nga nahimo siyang first runner up ni Jerome Sala sa Search for a Star in a Million sa ABS-CBN last year.

Ang nakanindot kay samtang nagpadayon pa ang nahisgutan nga contest gipapirma na siya og recording contract sa Viva Records ug karon duna na siyay album nga giulohan og "In Full Bloom.

Nalakip sa maong album ang mga kanta nga dunay titulo "Tell Me You Love Me", "Only When I'm With You", "Stay Here With Me" ug "Farewell".

Pong pa ni Nikki sa pakighinabi sa PangMasa,"Never akong sumali ng any singing contest sa Iligan City. Maybe because mahiyain ako noon at mas concentrated ako sa swimming. I was part of the Philippine swimming team before sa ASEAN Game. But marami akong nakuhang maganda from swimming kaya maayos ako umawit ngayon."

Daghan ang nagsige og tambag kang Nikki nga suwayan usab niya ang pag-artista sanglit guapa man siya apan matud niya nga recording lang una ang gahinan niya og panahon.

"Kung tutuusin, bago pa lang ako sa pag-awit when I joined SFASIM. Natuwa naman ako because maganda ang naging outcome kahit hindi ako 'yung nanalo. I promised myself na paghuhusayan ko pa sa pagkanta because nagtitiwala ang Viva Records sa akin."