Pelikula para kang Tonton, gibalibaran

Aduna unta diay offer para kang Tonton Gutierrez nga pelikula sa Seiko Films. Apan daling gibalibaran sa maong aktor ang tanyag para kaniya. Pagabidahan unta diay kini nilang duha ni Cherry Pie Picache.

Gusto unta sa aktor ang maong proyekto apan sa iyang ka busy ug conflict sa iyang taping para sa Bituing Walang Ningning, ang kanhi pelikula ni Sharon Cuneta nga karon himuong drama series sa ABS-CBN.

Ang Bituing Walang Ningning pagabidahan ni Sarah Geronimo. Matud pa daw ni Tonton nga dili siya gusto siya ang mahimong problema sa shooting sa Seiko Films o taping sa Bituing Walang Ningning.

Si Angelika dela Cruz ang mamahimong kontrabida ni Sarah sa maong bag-ong drama series sa ABS-CBN nga ipasalida dili madugay. Si Angelika ang Lavinia nga kanhi papel nga gidala ni Cherie Gil.