Dennis gibayaw sa kalipay

Nagkatawa hasta ang kasingkasing ni Dennis Trillo karon sanglit subli na usab sila nga magkauban ni Angel Locsin.

Nagtuo man gud siya nga dugay pa una masubli ang ilang love team ni Angel human sa 'Darna" apan tungod sa kagustuhan sa ilang mga fans subli na usab sila nga mag-uban pinaagi sa telepantasyang "Majika" nga sugdan na karong Marso 13. "Nakaka-miss din si Angel.

Kasi nga, ang tagal din naming nag-work sa Darna at nakasanayan mo nang kaeksena mo siya at nakakausap kahit pareho kayong pagod. It's a good thing na maiiba ang roles namin sa Majika. Gusto kasi namin ni Angel na paiba-iba ang papel para hindi magsawa ang mga sumusuporta sa aming dalawa," pong pa ni Dennis nga labihan kadako sa pahiyom sa dihang nahinabi sa PangMasa.

Magickero ang role ni Dennis isip Argo ug siya maoy nagtudlo kang Sabina (Angel) og 'Majika" aron maluwas niini ang iyang pamilya ug ang katawhan gikan sa katalagman.

"Mas exciting ang Majika kasi maraming eksena rito na ngayon lang nila makikita sa TV. "Mabuti na lang at ako ulit ang kinuha para makasama ni Angel dahil magsisisi talaga ako kapag tinanggihan ko ang role dito," dugang pong pa ni Dennis.

* * *

Duha ka housemates sa Pinoy Big Brother Celebrity Edition ang kumpirmado na nga apil sa cast sa bag-ong pelikula sa Regal Films nga giuluhan og 'Manay Po."

Sila mao si Christian Vasquez ug John Pratts diin matud pa nga magsugod na ang shooting karong Marso 12 apan natural nga iuwahi lang una ang mga esena diin naa si John.

Ang 'Manay Po" mao unta ang pelikula diin si Mayor Vilma Santos ang bida apan gumikan sa mga kakulian dili na kini madayon hinoon ang duha sa original casts ang nagpabilin og sila mao si Jiro Manio ug John Pratts.

Korek ka dyan! Kini ang pelikula diin bayot ang role nila ni Jiro ug John ug mao usab kini ang gibalibaran ni Dennis Trillo ug gidungog nga maoy itanyag ni Mother Lily kang Rustom Padilla.

Apan sa final casting si Cherrie Pie na ang hulip ni Ate Vi hinungdan nga gidungog nga lain nga pelikula na lang ang kang Rustom.