Joross, unang bf ni Roxanne

Wala masayod ang young star nga si Alwyn Uytingco nganong kalit lang nga gibuak sa Star Magic ang ilang loveteam ni Shaina Magdayao nga unta hinay-hinay naman sila nga gidawat sa publiko kaniadto.

"Management's decision na rin po siguro. Hindi ko nga rin po alam kung bakit. Okay naman po kami ni Shaina at pati nga parents niya, malapit sa akin," pong pa ni Alwyn sa dihang nahinabi siya sa PangMasa atol sa presscon alang sa mga birthday celebrators sa Star Magic for February.

Giangkon niya nga nanguyab gyud siya kang Shaina apan walay namugna nga espesyal nga relasyon sanglit wala naman silay communication sa pagkakaron.

Sa pagkakaron matud ni Alwyn nga napunting ang iyang atensyon sa iyang on-screen partner nga si Jill Yulo apan hugtanon niyang gipamahayag nga wala pa gyud silay espesyal nga pagsinabtanay.

Napulo na katuig si Alwyn sa poder sa Star Magic sanglit nagsugod siya kaniadto isip child star sa pangidaron nga otso anyos.

Matud niya nga kontento siya sa dagan sa iyang career apan kon wala gyuy dako nga mahitabo sa iyang pagka-artista mobalhin nalang siya isip singer.

Gani suma pa niya nga duna na silay gimugna nga banda kauban sa iyang mga higala nga sila si Janus del Prado ug ang Roco Twins diin plano nila nga tawgon kini og Ukeramba Monologue.

Apan miingon siya nga dili pa final ang maong lakang tungod kay ma-busy man unya siya human siya malakip sa cast sa teleseryeng "Super Inggo" sa Dos.

* * *

Sa pangidaron nga 20, una diay nga boyfriend ni Roxanne Guinoo si Joross Gamboa. Kini tungod kay matud pa niya labihan ka estrikta ang iyang inahan kaniadto ug wala gyud kini motugot nga mag-uyab uyab siya.

Two months pa lang ang relasyon nila ni Joross ug iyang giklaro nga duna na kini pagtugot sa iyang mga ginikanan.

Giangkon usab niya nga hugot gyud ang pagbabag sa iyang pamilya kang Joross kaniadto sanglit nadungog kini nga playboy.