Mark ug Pauleen loveteam hingusgan

Daw naibtan og tunok ang magtiayong Julius Babao ug Christine Bersola human nagmalampuson ang unang birthday sa ilang bugtong anak nga si Antonia Julia Sofia didto sa Tivoli Royale Country Club sa kauluhan niadtong Sabado.

Nasayran nga niadtong Biyernes nagplano diay ang magtiayon nga I-cancel na lang ang swimming pool party tungod sa hulga sa kudeta.

"Medyo napraning kami ni Julius kasi nga baka walang makapunta in case magtuloy ang coup, 'di ba?" nagkatawang mibutyag si Tin-tin ngadto sa PangMasa. "But we made a decision na ituloy pa rin.

Ayaw naming I-cancel kasi parang hindi maganda 'yon, eh first birthday pa naman ni Anya. Kaya natuwa kami noong mag-confirm lahat ng invited guests namin. It really means na they really want to celebrate with Anya, harangan man sila ng tangke sa EDSA" pong pa ni Tintin.

Dungan niini mikomedya si Julius sa pag-ingon nga hayan nahunahuna sa mga nagprotesta nga kinahanglang madayon ang birthday sa iyang anak.

"Nakisama sila sa anak namin," tawa pa ni Julius.

"Naisip siguro nila na kailangan matuloy ang party ni Anya, kaya 'yung coup ang hindi natuloy," matud pa ni Julius.

Sama sa nabalita na dinhi sa Hugyaw, Little Mermaid ang tema sa party sanglit pisces ang zodiac sign sa bata hinungdan nga mahiligon gyud siya sa tubig.

* * *

Wala na gyuy hunong ang pagpalambo sa loveteam nila ni Mark Herras ug Pauleen Luna sanglit sila maoy mga bida sa 10th season sa Love to Love.

Niadtong Lunes last week lang usab gisugdan pagpasalida ang Hongkong flight 143 diin silang duha kauban si James Blanco maoy pambato.

Sa 10th season sa Love to Love, sirena ang role ni Pauleen nga higugmaon sa mortal nga karakter ni Mark.

Samtang duna nay big project ang final four sa Starstruck Batch 3 ug kini isip mga bida sa second story sa 10th Season sa Love to Love kauban nila ni Pauleen ug Mark.

Nan kon kinsa man ugaling kanila ni Iwa Motto, Jacky Rice, Janna, Marky Cielo, Chuck Ali ug Gian Carlo ang nasulod kagabii maoy moadto sa Calatagan Batangas ugma alang sa shooting.

* * *

Gumikan sa kalampusan nga naangkon sa pelikulang "Brokeback Mountain" duna nay mga plano nga himoan kini og local version.

Saddi Q-pulong nga arabo nga nagkahulugan og "friends" maoy working title niini diin magtuki unya kini sa estorya sa duha ka mga managhigala nga lalake nga nagkahibalag didto sa Dubai.

Ang sexy star nga si Allen Dizon maoy gikatakda nga modala sa papel sa usa sa mga higala nga lalake sanglit ang ATB Entertainment man diin siya maoy tag-iya ang mo-produce unya niini.

Ang "Brokeback Mountain" estorya sa duha ka cowboys nga nagkahinigugmaay sulod sa baynte ka tuig ug gibitoonan kini ni Heath Ledger sa direksyon ni Ang Lee.