Hawkanay sa duha ka babaye

Human kang Jaycee Parker si Jennifer Lee na usab ang ilusad sa Viva Films to stardom pinaagi sa iyang pelikula nga giuluhan og "Coed Scandal" nga ipasalida na karong Marso Otso.

Leading man ni Jennifer sa maong pelikula si Ryan Eigenmann ug apil usab ang laing Viva hotbabe nga si Avi Siwa nga kaniadto pa miangkon nga usa ka tomboy.

Ang tsika sa PangMasa mao nga labihan ka mapangahason ang mga sexy scenes ni Jennifer kauban si Ryan dinhi niining maong pelikula.

Apan ang mas makapakugang mao ang ilang esena ni Avi diin gihawkan og gimasahe niini og maayo ang iyang mga boobs.Nagduha-duha pa ang Viva kon maaprubahan ba sa MTRCB ang nahisgutan nga esena.

Tungod sa maong esena namahayag ang usa ka staff sa Viva nga kumpirmado na gyud nga tomboy si Avi kinsa usa sa mga host kaniadto sa gay-oriented show sa GMA-7 nga giuluhan og "Out.'

"Hindi ba kasi, usually, pag girl ka talaga, maiilang kang makipaghalikan or makipag-love scene sa kapwa babae. Pero si Avi, talagang bigay-todo siya na parang enjoy na enjoy siya sa scene," pong pa sa nakugang nga staff. Balik kang Jennifer, gawas sa grabeng mga love scenes gibuyangyang usab niya ang iyang mga dughan og sampot niining maong pelikula.

Ipakita usab dinhi ang iyang atubangan apan matud pa niya layo ang pagkakuha sa camera ug usa lang kini ka segundo.

Half-Korean si Jennifer diin ang iyang amahan nga Koreano dako gyud nga supak sa iyang pagpasexy sa pelikula. "Ayaw niya talaga. Pero sabi naman niya, I'm old enough to decide for myself, so, it's up to me raw. Pero kung siya ang masusunod, ayaw niya talaga," pasabot ni Jennifer.

Myembro sa second batch sa Viva Hotbabe si Jennifer ug duha pa lang siya katuig sa maong grupo busa dako niyang kalipay nga nahatagan diretso og launching movie. Sa launching movie ni Jaycee nga 'Ilusyon" nabantayan ang talento ni Jennifer sa pag-arte.

Usa siya sa mga buotan nga miyembro sa Viva Hotbabe nga never pa nga nalambigit sa kagubot ug kontrobersya.