Bituing Walang Ningning sa ABS-CBN sugdan na

Kompleto na ang tibuok casting sa bag-ong soap opera sa ABS-CBN - ang Bituing Walang Ningning nga usa ka box-office nga pelikula kaniadto nga gibidahan ni Christopher de Leon.

Ang soap opera version sugdan na ang taping karong Pebrero 28. Apil sa cast mao si Sarah Geronimo, Angelika dela Cruz, Ai-ai delas Alas, Zsa Zsa Padilla ug Ryan Agoncillo. Si Ryan, usa ka TV host-actor, maoy modala isip record executive nga kanhi gibidahan ni Christopher de Leon sa maong pelikula. Pero unsa ka tinuod nga ang unang gitanyagan sa role mao si Marvin Agustin, ug second choice lang si Ryan?

Nag-reading ug nag-audition si Marvin sa maong bag-ong soap sa ABS-CBN apan tungod daghan kaayo og appointment schedules ang maong aktor wala makapaabot ang management sa iyaha hinungdan gitanyag kini ngadto kang Ryan diin maoy leading man ni Sarah.

Apan bisan pa wala makuha ni Marvin ang maong role, dili gihapon bakante ang aktor tungod kay magsugod na sa dili madugay ang iyang pelikulang "Wag Kang Lilingon."

* * *

Kinsa kaha ang unang mapalagpot sa Bahay ni Kuya sa Pinoy Big Brother Celebrity Edition? Ug si kinsa kaha sa 14 nga housemates ang makakuha sa P1 milyon? Sa masayran si Keanna Reeves, Mang Rudy Fernandez ug si Rico Robles, ang mga gipang nominate nga palagpoton sa Bahay ni Kuya. Busa karong Sabado atong tan-awon kung si kinsa kanilang tulo ang unang mapalagpot.

* * *

In-love na in-love pa gyud si Jolina Magdangal sa iyang career hinungdan nga wala pa kini planong magminyo sa iyang boyfriend nga si Bebong Muñoz.

Matud pa ni Jolina: "In lab ako sa aking career hanggang ngayon, alive and kicking pa rin. Salamat sa inyong walang sawang pagsuporta through thick and thin, nariyan pa rin kayo to support me."

Si Jolina, kinsa host sa Starstruck, busy pud ang dalaga sa iyang bag-ong talk show sa QTV Channel 11, ang Bongga Ka Star, diin magsugod na karong Pebrero 19 sa 5 sa hapon.

"Hindi ito isang talk show o drama show kundi isang Magazine talk show na pawang mga sikat na artista ang aking mai-interview para isiwalat ang kanilang other side bilang actor at actress," matud pa ni Jolina.