Hugyaw sa Lovapalooza

Pakighugyaw sa inyong paboritong mga banda ug himamata ang inyong mga paboritong artista atol sa Closeup Lovapalooza 2006 diha sa Ayala Business Park karong Sabado sa alas-syete sa gabii sa usa ka espesyal nga pasundayag nga pagadumalahon nila ni Nancy Castiliogne, Vince Canizares uban usab nila ni Camille Pratts ug Marco Alcaraz.

Tugti nga molingaw ninyo ang performers sama nila ni Pops Fernandez, Parokya ni Edgar. Itchy Worms, Jimmy Bondoc, Eric Santos, Cebu's Ambassador, Sheila and the Insects ug Still bands. Naa usab sila si Kris Lawrence, Tata Villaruel, Lance Onate, Joey Ignacio ug ang atong paisano nga si Jimmy Marquez.

Ayaw usab palabya ang kahigayonan nga modaug og ganti pinaagi sa pag-apil sa nagpadayon nga CloseUp love ideas diin upat ka mananaug ang maggikan sa Sugbu. Ang angay ninyong buhaton mao lang ang pagsuwat unsa alang ninyo ang labing hugyaw nga paagi aron ipadayag ang inyong gugma ngadto sa tawo nga inyong gimahal.

Ang mananaug ipahibawo atol mismo sa Lovapalooza diin duna ka pay higayon nga imong ikapadayag ang imong gugma sa tibook nasud pinaagi sa national television.