Spring Day

Sugdan na karong buntag ang labing bag-o nga koreanovela sa abs-cbn nga giulohan og Spring Day sa dili pa magsugod ang Pilipinas Game Ka Na Ba.

Ang Spring day kasaysayan ni Christine (Ko Hyun-jung) kinsa naningkamot pagbanhaw sa iyang pagbati alang ngadto sa iyang mga igsoon sa gawas nga sila si Leo (Ji Jin-hee) ug Philip (Cho In- Sung).

Gawas niana nanlimbasog usab siya nga makalimtan ang mapait niya nga kagahapon.

Usa ka trahedya ang nasinati ni Christine nga maoy nakaingon nga malinawon siyang nanimuyo human mawagtang ang iyang tingog nga naghimo kaniya nga daw amang hangtud nga iyang nahibalag si Leo.

Si Leo maoy nipukaw sa iyang nahikatulog nga pagbati lakip na ang pagkahibalik sa iyang nawagtang nga tingog ug maoy nagpahinumdum niya unsa ka nindot ang magpakabuhi.

Sa samang higayon si Leo namasin usab nga iyang makaplagan ang iyang tinuod nga inahan apan ang iyang pagka-uhaw sa inahanong pagbati iyang nakita ug nabati diha kang Christine.

Sa dihang paingon na nga molipang ang ilang relasyon nakasugat og aksidente si Leo maoy hinungdan nga na-coma kini diin si Christine maoy nag-atiman kaniya didto sa hopistal ug ang maong hitabo maoy nahimo og dalan aron magkasugat sila ni Philip.

Si Cho In-sung kon kahinumduman maoy midala sa papel ni Paolo sa laing love story kaniadto sa abs-cbn nga giuluhan og "Memories of Bali.

Karon sa papel ni Philip usa siya ka masundanon nga manghod ngadto sa iyang maguwang nga si Leo diin iyang isakripisyo ang tanan aron lang malipay ang iyang igsoon.

Apan ning panahona nga nahibalag niya si Christine nausab ang tanan og dinhi magsugod ang kulbahinam nga dagan sa estorya sa "Spring Day." - PR