Heart bag-o na og manager

Dili na ang Star Magic sa abs-cbn ang nag-manage sa career ni Heart Evangelista sugod niadtong Pebrero uno kondili ang Genesis Entertainment na nga gipanag-iya ni Angeli Pangilinan.

Gitin-aw ni Pangilinan ang maong taho apan nagdumili pa siya pagluwat og pamahayag nganong wala na mo-renew og kontrata ubos sa Star Magic ang iyang bag-o nga alaga.

Nihangyo si Angeli nga paabuton una nga mahuman ang ilang meeting unya ubos sa mga kadagkuan sa Star Magic aron matin-aw ang tanan.

Gumikan sa maong kalambuan mamahimo na nga motabok si Heart sa bisan asa nga network sanglit dili naman siya exclusive contract star sa Kapamilya.

* * *

Gikataw-an ni Kuya Boy Abunda ang tsismis nga nag-away sila ni John "sweet" Lapus gumikan kay iyang giilog ang boyfriend sa naulahi ug gani gisagpa pa siya sa komedyante tungod niini.

Miingon si Kuya Boy nga ambot diin gikan ang maong intriga ug nihangyo siya nga hunungon na kini sanglit dili makatarunganon alang sa masig habig gumikan kay dili kini tinood.

Gitin-aw ni Kuya Boy nga dili usab tinood nga iyang gipalagpot si John gikan sa The Buzz tungod kay naglagot siya tungod kay wala nang daan ang komedyante sa wala pa muboto ang maong intriga.

Matud ni Kuya Boy nga dili na niya sakyan ang maong intriga tungod kay dili siya bout nga malipay ang si kinsa man nga responsabli niini.