Kaanyag nga dunay tumong

Maanyag, hamis og pamanit ug makabibihag. Busa dili ikahibulong nga si Starstruck Avenger Dion Ignacio mao gyuy nihangyo niya aron magpahulagway silang duha. Apan luyo niining tanan nag-ambo ang laing matang sa kaanyag nga labaw pa sa kaguapa sa iyang panagway. Kini mao ang kaanyag sa iyang kasing-kasing sanglit sayon siyang duolon ug mapaubsanon. Labaw sa tanan ang mao niyang kaanyag mibidlisiw aron pagtugkad sa kamatuoran ug pag-alagad sa mga nagkinahanglan. Siya si Lalaine Go 22-anyos ug usa sa mga bag-ong dagway sa lokal nga telebisyon karon nga hinay na nga mikulit ug pangan sa industriya dili lang isip guapa nga binuhat apan isip utokan, kasaligan ug agresibo nga tigbalita sa Balitang Bisdak sa GMA-7.

Istrikta ang iyang dagway alang ngadto sa wala makaila kaniya. Apan ang tinood nga Lalaine Go buotan ug matinagdanon. Gawas niini manggihuna-hunaon usab siya sa iyang mga higala bisan og dugay na niyang wala igkita. Pahiluna kay atong ila-ilahon pa og maayo ang usa sa mga bag-ong dagway sa Cebu media.

Hugyaw: Nagsugod ka isip PR writer sa usa ka pamantalaan, nganong imo kadtong gitalikdan? Pangan-doy ba gyud nimo nga mu-lugwa sa telebisyon isip tigbalita?

Lalaine: I work as PR in a local daily for about a year but opportunity knocks only once. So dihang naay hiring ang Balitang Bisdak, usa sa akong mga amiga encouraged me to give it a try. Mi-submit ko sa akong application then Thursday morning, naay taga-GMA nanawag nako ug miingon nga nadawat daw ko isip reporter nila. Pag-Friday dayon, mi-tender ko sa akong resignation, and Monday gipadala dayon mi sa Manila for a training. Nagsugod ko sa Balitang Bisdak, August of 2005.

Hugyaw: Dunay intriga nga ang bag-ong hugpong sa mga tigbalita sa Balitang Bisdak gidawat kay sila guwapa ug dili tungod kay sila makamao. Unsa'y imong reaction?

Lalaine:Hahaha. Kita tanan magsugod man gyud ta sa uno, we start from the scratch. Dili man ingong inig sugod nimo og trabaho mamahimo na kang ngil-ngig, diba? Ingon niana nga mga comments among nadunggan and I take it positively. Tinuod, bag-o ko sa maong trabaho pero dili ingon nga dili ko makamao.

Hugyaw: Sanglit guwapa ka man dili malikayan nga aduna'y mga tinubdan sa balita nga magpa-cute nimo una ka hatagan og balita. Unsa'y imong gibuhat o unsa'y imong buhaton nila?

Lalaine:Hahaha. Mo-angkon ko nga aduna gyuy mga news sources nangayo nato og number, they even texted me, send messages or even call but I will not open my doors to them, may they be single or married. Hinuon, wala pa man sab mga source tingali nako nga nagbinuang in exchange for something and I don't think they will do that.

Hugyaw: Gumikan kay ikaw tisay dili malikayan nga naay mo-ingon nga strikta ug sosyal ka nga pagkatawo. Kinsa ang tinuod nga Lalaine Go?

Lalaine: Strikta ang nawong ni Lalaine pero ang tinuod nga Lalaine komedyante ug malipayon. Dili man ko partygoer ug panagsa ra pud ko mogawas kung gabii, kanang aduna'y okasyon lang. Strict baya akong papa.

Hugyaw: Kinsa ang gipangandoy nimo nga ma-interview ug unsa nga estorya nga gihandum nimo nga mabalita?

Lalaine: I want to feature Vicky Morales. I've heard that Vicky is dato apan bisan pa sa iyang status, nagpabilin siyang mapahiubsanon. Kung imo siyang makita sa iyang programang, Wish ko Lang, tinuod siya, wala'y kaplastikan.

Hugyaw: Asa ug unsa ka na mga lima ka tuig gikan karon? Unsa gyud ang imong pangandoy sa kinabuhi?

Lalaine: Gusto ko magnegosyo pero wala pa ko kahibaw unsa nga matang sa negosyo. Tan-aw pud nako, dili ko magdugay sa media industry.

Hugyaw: Unsay kaayohan nga imong matampo isip reporter ug unsa ang balita nga alang nimo labing halandumon so far?

Lalaine: Isip usa ka reporter mamahimo kang taytayan sa mga problema sa mga tawo. Ikaw ilang sumbungan ug kapangayo-an og tabang. One time dihay nagpatabang sa ilang reklamo batok anang hugaw gikan sa usa ka establisamento. It's a fulfillment on my part and even to us reporters when we see results, diba? So pila ma'y istorya, ang maong establisamento gihatagan og warning sa pag-comply sa health and sanitation rules otherwise pasirhan sila.

Hugyaw: Tungod kay maanimaw ka atubangan sa camera, unsa'y imong beauty secret? Unsa'y kalisdanan nga masugatan isip TV reporter? Ug unsa'y nabag-o sa imong kinabuhi karon nga naa ka na sa telebisyon?

Lalaine: I use sunblock. Kung kalisdanan isip usa ka reporter there was a time when I interviewed a news source at the Cebu City Hall and our anchor of Balitang Bisdak si sir Bobby Nalzaro, inig radio program niya sa dySS, iya mang bombahan, birahan niya, mahadlok na ko usahay mobalik sa akong news source kay basin unsa'y ikasulti. At first, I was afraid of Mayor Osmeña kay I've heard so many things against him like nakapagawas siya og mga reporters basin unya mapareha nya ko. Karon naa ta sa on-camera, kinahanglan particular ta sa atong mga lihok, not to be plastic ha. Kinahanglan friendly ta sa mga tawo and kinahanglan approachable sab ta.

Hugyaw: Unsa'y prinsipyo nimo isip tigbalita?

Lalaine: Ibalita lang ang tinuod.