Carlo Kapuso na

Hingpit na nga nasakop sa Kapuso ang kanhi child star nga si Carlo Aquino kinsa naila kaayo kaniadto nga sakop sa Kapamilya uban nila ni Camille ug John Pratts, Angelica Panganiban ug Stefano Morri.

Last year pa nga nibiya sa Star Magic si Carlo human siya mipirma og kontrata ubos sa Viva Management Group sanglit priority niya ang pagpalambo sa iyang bag-o nga natukod nga all male band.

Isip buena mano sa iyang pagpahisakop sa Kapuso netwok apil na sa regular cast sa My Guardian Abby si Carlo isip hulip ni Pauleen Luna kinsa gikinahanglan nga mopahuway una.

Ang "Guardian Abby" show nila ni Pauleen ug Nadine Samonte nga makita matag alas-syete sa gabii sa QTV-11. Kagabii guest usab si divine diva Zsa-zsa Padilla.

Si Camille kinsa gihagawhaw nga maoy third party sa panagbuwag kaniadto nila ni Carlo ug Angelica maoy unang nitabok ngadto sa nataran sa Kapuso human usab siya tugti sa Star Magic.