Kontento ba mo sa nahimong desisyon sa Star in a Million?

Nagkadaiya ang mga reaksyon sa mga Sugbuanon sa nahimong desisyon sa Search for a Star in a Million Final Showdown niadtong Domingo sa gabii. Dunay mga namahayag nga 'lutong macao" ang nahitabong resulta sanglit sauna pa nga dunay mga hagawhaw nga si Kris Lawrence gyud ang gipaboran sa mga kadagkuan sa Dos sanglit duna silay plano nga ang nahisgutan maoy iparang kang R&B prince Jay-ar.

Samtang duna usay mga nangutana nganong nasayop ang production staff pag-announce sa duha nga maoy pinal nga magsangka sa dihang nagkanayon kini nga si Kris ug Jimmy ang mag final showdown inay nga si Tata ug Kris. Duna bay eskandalo nga nahitabo?

Mipasabot na ang mga hosts nga sila si Sarah Geronimo, Rachel Ann Go, Erik Santos ug Mark Bautista nga nasipyat lang ang operator sanglit gi-record na nilang daan ang maong announcement.

Apan bisan pa man sa nagkadaiyang reaksyon ang baruganan sa Hugyaw Hagawhaw mao nga kon napildi man ang atong manok nga si Jimmy Marquez, ang Ginoo dunay rason ug dunay giandam nga mas dako ug mas nindot pa nga grasya alang sa naulahi ug mao kini ang angay atangan natong tanan.

Samtang ania ang pipila ka mga hagawhaw diin kadaghanan diskontento kang Kris Lawrence isip grand champion.

1. Rowena of Labangon, di ko ganahan kay si tata or jimmy akong bet. Di man versatile si Kris gud.

2. Sona of Talisay City. Si jimmy. Paglast kay di man maayo ang iyang performance. Bati jud!

3. Phoebe of Catmon. Yaya man to si Kris oi! Ang iya style nothing out of the ordinary man. Mas gusto nako si Tata kay nindot iya breathing compared sa uban. I'm sure naa lang japun nay projects si jimmy.

4. I was expecting that jimmy wont win but not as third placer. d songs he sang are not that great either ..noni sanico

5. Daan pa jud ko. Ang basis aning ABS-CBN sa pagpili sa winner di ang talent. Nindot si Kris pero contest biya to! Ang uban contestants like Jimmy..performance level gud to iyaha. Abi mahuyang man si Jimmy wa lang nila padag-a. Bati! Kalagot!Larmie- Talisay City.

6. Esther Doron, 35, Villa Santa Cruz Barangay San Isidro dakbayan sa Talisay " Okay lang ang desisyon sa mga hurado maayo man ang performance ni Chris Lawrence, tin-aw ang iyang tingog og sukad sa pagsugod sa Star in a Million fan nako niya".

7. Jelyn Rafols, 33, Sityo Litmon Barangay Poblacion dakbayan sa Talisay "wala ko ka uyon sa desisyon sa mga hurado daan na nga fan ko ni Jimmy tungod kay usa siya ka Sugboanon pero maayo man iyang performance, gidimalas lang gyud siya tungod kay ang iyang nahulbotan nga kanta binabaye og revival ang kasagaran nga style sa kanta ni Jimmy".

9. Cerlina dela Cruz, 40, Sitio Uldog Barangay Poblacion dakbayan sa Talisay nagkanayon " okay lang ko sa desisyon tungod kay walay bias ug walay pabor-pabor diin gipa-hulbot ang mga contestant sa ilang kantahon para makita gyud ang ilang katakos sa pag-awit".

10. Reynaldo Cinco, 40, Talisay City College supply officer nagkanayon "dili ko musician, dili nako familiar ang gikanta ni Jimmy, dili nako madawat ang mga hukom sa hurado, dili ko kadawat nga napildi si Jimmy, maayo ang performance ni Jimmy".

11. Julius Gamallo, 35-anyos property office sa Department of Education (DepEd) Talisay labaw na nga wala makauyon sa mga hukom sa hurado sa "Star in a Million", " Daan nako nga choice si Jimmy pagsugod pa lang sa "Star in a Million" dili tungod kay usa ka Sugboanon si Jimmy apan tungod sa rason nga maayo gyud ang iyang performance og duna siya'y voice quality".