Angelika butboton

Naputos sa libak ang aktres nga si Angelika dela Cruz tungod kay dili diay tinood nga lakip siya sa cast sa bag-ong soap drama sa ABS-CBN nga giulohan og "Kapitan Ingo."

Naglibog ang mga executives sa Kapamilya nganong sige og pamalita si Angelika nga apil siya sa maong soap nga diay sa sinugdanan raman sa meeting nahisgutan ang iyang ngalan.

Buot ipasabot dili pa pinal ang tanan tungod kay ang nahimong samputanan giingong si Angelika mismo maoy nibalibad tungod kay dili niya feel nga siya maoy kontrabida.

Duna pa gani ni komentaryo nga maong nibalibad si Angelika sanglit gusto niini nga siya maoy himoong bida.

Kahinumduman nga sa paglutaw sa isyu nga mabdos si Heart Evangelista (nga gihimakak na niya) courtesy of Jericho Rosales dunay taho nga si Angelika mao nay modala sa papel nga Eden sa pantaserye nga Panday.

Apan ang mga torotot ni Angelika mipasiatab nga dili tinood nga ang aktres na maoy muhulip isip Eden tungod kay ang nahisgutan adto sa lain nga soap ilakip.