Kini human makit-i ang duruha nga nagsul-ob og pangkasal sayong buntag sa nakalabay nga semana diin mihataw usab ang taho nga human sa seremonya modiretso sa Hongkong ang lovebirds alang sa ilang honeymoon.
Nagkaguliyang ang mga balhibuon og baba only to find out nga eksena ra diay ang maong kasal alang sa pantaserye nga giulohan og "Inday Bote" diin sa nasayran na sa Banat Hugyaw ang duruha maoy mga bida.
Ang "Inday bote" usa sa mga sugilanon sa komiks ni Pablo S. Gomez nga giingong maoy ihulip unya sa naghinapos na nga estorya sa "Mga Anghel na Walang Langit" sa abs-cbn.
Ang tinuod mao nga si Juday ug Ryan nagdungan paglupad paingon sa Hongkong niadtong Sabado dili aron mag-honeymoon kondili aron pagtambong sa premiere night sa digital movie ni Juday nga giuluhan og "Miss Pinoy."
Super enjoy ang duruha didto diin tibuok adlaw kini nga nanuroy sa Hongkong Disneyland diin gi-off pa ang ilang tagsa-tagsa ka cellular phone aron wala gyuy makadisturbo sa ilang gibati nga kamaya.
Apan giklaro sa mga insiders nga wala mag-ipon sa usa ka kwarto ang duruha tungod kay si Juday didto mihigda sa lawak sa iyang mama ug tungod usab kay walay rason nga magdulog sila sanglit dili pa man sila kasado.
Kuyog usab nila didto sa Hongkong ang manager ni Juday nga si Alfie Lorenzo.