Balik-showbiz si Elvis

Ubay-ubay ang nangutana kon kinsa diay kono kanang nagdala sa papel ni Muro sa "Sugo" nga, usa sa mga loyal nga sundawo ni Apo Abukay (Gardo Verzosa) ug kaaway ni Miguel ug Amante (Richard Gutierrez), kay wa man kono ni siya makita sa ubang mga projects, ug wa sad moapil og mga artista search. Ngano konong "lakas" man siya sa GMA-7 ug mahinungdanon man ang iyang role sa "Sugo." Wa sila masayod nga igsoon siya nila ni Richard, Raymond, Ruffa ug uban pang mga anak nila ni Eddie Gutierrez ug Annabelle Rama, ug nahimo na siyang child actor kaniadto nga makita pa sa cable TV usahay ang iyang mga pelikula nga, matud ni Elvis, nalimtan na lang unta niya kon dili pa ibalik pagsalida sa cable TV. Kaniadto, pag-undang niya sa showbiz samtang nagdako siya, mauwaw na siya'g mga interview, apan naghinay hinay na sad kono'g kawagtang ang iyang mga kauwaw. Nanghinaot siyang makaapil siya'g pelikula kauban si Richard.