Chynna wa magbinastos

Gitin-aw sa young star nga si Chynna Horteleza nga dili tinood ang taho nga gibinastusan niya ang inahan ni Ailyn Luna atol sa Christmas Special sa SOP tungod kay ang tinood siya maoy nabastus.

Suma pa niya nga niadtong higayona gipauna niya ang iyang driver ug personal assistant sa dressing room sanglit duna pa siyay giasikaso sa studio sa SOP Gigsters.

Matud ni Chynna nga pag-abot sa iyang mga gisugo didto sa dressing room sa SOP stars, puno na sanglit naatol nga mag-promote sa ilang pelikula ang cast sa Mulawin the movie.

Hinungdan nga matud pa niya, gisugo niya ang iyang assistant nga manghangyo sa mga tawo didto aron makahimutang sila sa iyang mga gamit apan giingong walay ni tagad nila didto.

Matud ni Chynna nga pag-abot niya sa dressing room nakita niya ang inahan ni Ailyn busa personal niya nga gihangyo nga mogamit usab siya didto sanglit gikinahanglan na nga magpamakeup.

Apan suma pa nga namundak ang mommy ni Ailyn hinungdan nga gipangutana kini ni Chynna diin matud pa nitubag ang nahauna nga naglagot siya kay giingong nagbinastos og sulti ang young star.

Sa dihang gipangutana niya kinsay nagsulti nga nagbinastos siya, ang mommy ni Christine Reyes maoy gitudlo sa inahan ni Ailyn apan ang nahauna wala makatingog.

Giingong ang make-up artist nga didto duol nila wala usab makabati nga nagbinastos si Chynna og sulti batok sa mommy ni Ailyn.

"I have to admit that I got pissed sa nangyari. Magli-limang taon na ako sa showbiz at wala naman siguro kayong nabalitaan na nakipag-away ako o may minura ako. May respeto po ako sa aking kapwa lalo na sa mas nakakatanda sa akin. Pero kung alam kong nasa tama ako, hindi po ako mangingiming sumagot," pagpasabot ni Chynna.

Suma pa niya nga ang taho nga nag-away usab sila ni Angel Locsin gumikan sa dressing room dili usab tinood ug gani suod man sila nga managhigala ni Darna.