Vote for Karla Gentiroy

Gipaabot nga mopakita og maayong labok ang Miss Freeman Banat News Karla Paula Gentiroy aron paglangkat sa korona isip Miss Cebu 2006 kansang indigay sa kaanyag ipahigayon karong Huwebes sa gabii sa Pacific Grand Ballroom sa Waterfront Hotel Lahug.

Ang disiotso anyos nga Filipina-Canadian kinsa tinun-an sa kursong Bachelor of Science in Tourism sa University of Cebu makigtigi uban sa laing onse pa ka mga maanyag nga mga babaye alang sa korona sa labing prestiyoso nga indigay sa kaanyag dinhi sa Sugbu.

Si Gentiroy kinsa maoy representante ning mantalaan sa gipahigayon nga Miss Tri-medialympics didto sa Cebu Coliseum niadtong Septembre mao usay nakaangkon sa korona sa nahisgutang bangga.

Gawas niini, si Gentiroy napili usab nga 2nd runner-up sa Search for Miss Mandaue niadtong Mayo 7 samtang nahisakop usab siya 10 semifinalists sa Miss Hawaiian Tropics International niadtong nakalabay nga tuig kansang pageant gipahigayon didto sa kauluhan.

Suportahe si Karla pinaagi sa pagtext og VOTE (space) FOR (SPACE) MSCEBU (Space) KAI send to 2278-Globe, 210-Smart.