Izza nagpasko sa America kuyog sa uyab

Idto sa Estados Unidos nagsaulog sa Pasko ang actress nga si Izza Calzado kuyog sa iyang uyab nga si Jerry Garcia kinsa manager sa bandang "The Speaks" nga nagbase didto.

Ang pagbakasyon ni Izza didto gidungan na lang usab niya sa iyang pagtambong sa Gawad America Awards diin gipasidunggan ang "Encantadia" og diin nakadaog si Sunshine Dizon isip best actress.

Si Izza usa sa stars sa telefantaseryeng "Encantadia" kinsa maoy midala sa papel nga "Amihan", usa sa upat ka mga sangre nga nagdala og importanteng mga roles.

Tua na karon sa Washington DC ang aktres aron adto siya mosugat sa bag-ong tuig.

Si Iza ug Jerry nagplanong mobisita sa ginikanan sa naulahi didto sa Washington.

Apan gitataw sa duha nga wala pa silay planong pakasal tungud kay bata pa kaayo ang aktres sa panuigon nga 23-anyos.

Karong Enero 2, 2006 mobalik si Iza nganhi sa Pilipinas.