Tungod sa Globe

Dili malimot si Jake Cuenca nga tungod sa iyang commercial sa Globe kaniadto, nakaplagan siya isip usa ka artista. Matud niya, wa siya magdahom nga ma-artista siya ug ang paghimo niya sa commercial sa Globe, "katuwaan lang," pero natingala siya nga, nakadawat man diay siya og dako dakong kantidad, busa, sa dihang gitanyagan siya sa usa ka talent manager nga paapilon sa "Click" misugot siya dayon og nakaingon siya sa iyang kaugalingon, "wow, kwarta na naman..." Nahibalik siya sa telefantasya nga "Encantadia" isip anak ni Karylle ug giangkon niyang nahimuot siya sa iyang role, kay sa tinuod nga kinabuhi, dili man dako og gintang ang edad nila ni Karylle. Nanghinaot siya nga kon himoan og pelikula ang "Engkantadia" maapil gyod siya. Gipasalig niya si Mark Herras, nga kon sugton siya ni Jennylyn Mercado, dili kini niya pahilakon.