Si Julia ray $20 million

Wa kono'y katungod ang ubang mga artistang mo-demand sa kantidad nga $20 million (dollars) ug si Julia Roberts ra ang dunay katungod niini, matud pa sa usa ka tinubdan busa, nagpabilin si Julia Roberts nga maoy "Most Powerful" nga artista sa tibuok kalibutan, ug usa sa labing adunahan. Nagpabilin si Julia Roberts sa iyang kahimtang karon isip "most powerful actress" sulod na sa upat ka tuig, ug ang uban, usahay magsunod kaniya, ug usahay maiwit. Karong tuiga sumala sa usa ka survey, misunod kang Julia Roberts mao si Nicole Kidman samtang ikatulo mao si Reese Withersoon ug anaa sa ikaupat nga dapit mao si Drew Barrymore. Ang kaniadto kanunay'ng anaa sa top three nga si Halle Berry, nawagtang na sa listahan sa top ten, si Renee Zellweger naa sa ikalima, si Angelina Jolie (6th), Cameron Diaz (7th), Jodie Foster (8th), Charlize Theron (9th), ug Jennifer Aniston (10th).