Sam Milby labihang sikata, talent fee perteng mahala?

Gikagubtan na og maayo si Sam Milby diin matud pa kon unsa siya ka sikat dihang nasulod siya sa Bahay ni Kuya misamot pa kini karong panahona tungod kay bisan asa siya moadto labihan nga maka syagit sa iyang mga fans.

Bag-o lang nag-show si Sam didto sa Clownz Araneta og matud pa naglisod ni paggawas sa iyang sakyanan tungod kay gialirongan og maayo sa mga fans diin naglisod gani siya og lusot sa parking area kay gibabagan sa mga tawo ang agianan.

Si Comedy queen Ai-ai delas, usa sa mga tag-iya sa Clownz namahayag nga dunay repeat performance si Sam karong Enero tungod sa maong kalampusan og karon pa lang labihan na kadaghan ang reservation.

Dunay taho nga nagmalampuson karon sa rating ang Koreanovela nga "Only You" sa abs-cbn tungod sa pag-awit ni Sam sa theme song nga dunay pareho nga titulo sa nahisgutang soap.

Apan ang nakaparat karon matud pa nga tungod kay in-demand ang Amboy giingong ang handlers ni Sam labihan na kadako og pangayo ngadto sa mga producers alang sa talent fee sa nahisgutan.

Matud pa nga super mahal gyud ang talent fee nga labaw pa ni sa bayad nga pangayoon sa mga performers nga sikat na og duna nay napamatud-an sa industriya busa daghan ang nitambag kang Sam nga magmatngon tingali og pahimuslan ra siya sa mga tawo nga dunay personal nga katuyuan.