Matud pa nga few weeks ago didto sa GMA-7 complex atol sa panagtigom sa mga young star nakita ang igot-igot ni LJ sa dihang nilingkod siya hinungdan nga gibadlong siya ni Mike.
Wala magustohi ni LJ ang maong gibuhat ni Mike sanglit feeling niya gimando-mandoan siya sa ulitawo hinungdan nga sa dihang nanulod na sila sa dressing room sa SOP Gigsters giaway sa dalaga ang iyang ka-loveteam.
Pwes gisapot si Mike kang LJ busa nisenta usab siya ngadto sa dalaga gani gikatahong gilabay pa niya ang iyang shades nga didto ni banda sa laptop ni LJ.
Nag-awayay na ang duruha sukad niadto sanglit wala makasabot si Mike nganong ingon niato ang reaksyon ni LJ nga unta concern ra man siya sa dalaga.
Si LJ usab sa iyang bahin niingon nga naglagot siya kang Mike sanglit dunay maayo nga paagi aron ipadayag sa ulitawo ngadto kaniya ang concern niini nga dili na kinahanglang mosingka pa.
Ang nagbaguod ron sa gimbuhaton mao ang GMA Artist Center sanglit dili makatugot ang mga kadagkuan nga hingpit nga mabungkag ang loveteam sa duruha tungod kay dili usab basta basta nga publicity ang ilang gugol aron mo-click sa masa si LJ ug Mike.
Labaw na usab nga dili makatugot ang Artist Center nga mapalpak na usab sila parehas sa loveteam kaniadto ni CJ Muere ug Ryza Cenon nga nabungkag sab.