Superstar moapil og diversion program

Ang Superstar nga si Nora Aunor mihangyo sa judge ngadto sa Los Angeles kinsa mihupot sa iyang kasong ginadiling drugas niadtong Huwebes nga mo apil siya sa usa ka tuig nga drug diversion program para malimpiyo ang kasong gipasaka batok kaniya.

Kahinumdoman sayo niining tuiga si Nora nasikop ngadto sa Los Angeles tungod kay nasakpan kining nagdala og 6.7 ka gramong shabu diin gisulod kini sa iyang duffel bag.

Matud pa sa tigpamaba sa Los Angeles Country District Attorney nga si Jane Robison nga tugotan nila si Nora nga moapil sa maong programa diin i-dismiss ang kaso niini kung matuman sa defendant ang mga rekisito sa maong programa nga galakip sa substance abuse treatment.

Si Nora napasakaan og one count sa illegal possession of dangerous drugs diin nakabaton kini sa iyang temporaryong kagawasan human mipiyansa og $10,000.00.

Ang Superstar uban sa iyang abogado ug usa ka interpreter mi-appeal ngadto sa korte sa Los Angeles niadtong Huwebes apan ang hearing sa iyang kaso na-postponed karong petsa 22 niining buwana.