JR Valentin ug Isabel Oli, nagkasuod

Managsama sila si JR Valentin ug Isabel Oli nga mga fashion model nilang Valeriano Tumol, Jonjit Primor, Dexter Alasas ug uban pang mga designers ug fashion consultants ug director dinhi sa Sugbo. Managsama usab sila nga nadiscover ni Vic Iyao, ang super assistant ni Jonjit Primor, apan wa sila magkadungan kay sa panahong nakaplagan si JR, wa pa mag-model si Isabel.

Miingon si JR nga ang ka-batch niya mao ang Mr. Manhunt nga si Alex Judilla ug ang super model na karon nga si Verna Buckley. Apan didto na magkasuod sila si Isabel Oli ug JR Valentin sa Manila samtang nagkadungan sa usa ka fashion show, og karong pareho na silang mga artista, misamot ang ilang kasuod, bisa'g Kapuso si Isabel samtang Kapamilya si JR.