Sagunson ang pagpauli ni Joyce gikan Australia

Sagunson ang pagpa-uli ni Joyce Jimenez gikan sa Australia diin gapadayon siya sa iyang college studies. Tinood kaha nga usa ka rock singer maoy rason? Nikatawa lang ang sexy star sa mga tsismis pero iyang gi-confirm nga tinood nga duna siyay crush nga rock singer.

Bakasyon siya sa iyang schooling maong pirme siya sa Pilipinas karon. Daghan sang offers nga di niya mabalibaran labi na kung dili conflict sa oras sa iyang studies.

* * *

Minyo na ug anakan na. Bagay pa kaha si Donita Rose nga magpa-cute na sad as MTV VJ? Excited siya dihang gitawgan sa MTV para mobalik sa programa. Nabalik na ang figure niya after siya nag-diet ug nagduwa og tennis para mawagtang ang unwanted fats nga nakuha niya sa iyang pagpanganak.

* * *

Confident si Bong Revilla nga magustuhan sa mga moviegoers ang latest movie niyang "Exodus." Sa trailer pa lang, gipakpakan na, ingon pa sa balita.

Sayo gisugdan ang shooting maong dako silag time para ma-polish ang story ug labi na ang mga special effects.

Nagpasalamat sad si Bong sa GMA 7 kay supportive ni sa iyang movie bisan duna sad silay "Mulawin The Movie" nga maoy makabangga ini sa box-office.

* * *

Sunod-sunod ang blessing kang Marvin Agustin. Human nanganak ang girlfriend niya sa ilang twins, na offer sad diha niya ang lead role sa "Kutob." Bisan si Dingdong Dantes maoy first choice ni Direk Joey Reyes, happy gihapon si Marv kay si Dingdong mismo niingon nga "para gyud ni nimo" human niya nabasa ang script.

Hapit na sad makagawas ang amahan niyang naa sa presohan. Kung maka-apas sa Pasko, makompleto ang iyang pamilya after a long time.