Bag-ong gimik ni Bernie Uy

Salamat nila ni Ms. Anna Conejero ug mga kauban, ila kong gipahinumduman nga may espesyal nga performer ang Food Court sa Elizabeth Mall niadtong Lunes, Disyembre 5 tungod kay, 2nd anniversary sa maong mall, og ang espesyal nga performer nila mao ang lain pang Sugboanon nga tua na gyod sa Manila, si Bernie Uy. Na-late ko, pero naabtan pa gyod nako ang portion ni Bernie nga nag-awit sa "Proud Mary Keep On Rolling" nga gi-interpret niya sumala sa interpretation sa mga nagkalain-laing Asian Nations, tingali tungod kay, naatol man usab nga closing sa SEA games, mao nga gi-plano kini niya, og sa matag interpretation niya, samtang nagpabati ang One In Him Band ni Chad Borja sa intro sa awit, mag-ilis usab siya og costume. Mahinumduman nga nagka kauban sila si Chad ug Fe Maningo ug Bernie sa banda sa Magellan Hotel, Baseline ug uban pa ug dili malimot si Bernie sa gikaila niya kaniadto. Natural, diha gyod ang suod niyang si Fe Maningo.