Big Four housemate mibahad ni Kuya

Ang upat ka housemates sa Pinoy Big Brother (PBB) mihulga ni Kuya nga mobiya sa balay niini tungod sa dili makatarunganong sugo.

Misupak si Nene, Uma, Cass ug Jason sa ilang senimanang tahas dili tungod kay imposible kini apan tungod kay makasakit kini sa usa kanila.

Ang housemates gimandoan ni Kuya nga I-lain-lain og ibutang ang ilang mga senina ngadto sa tulo ka kahon diin markahan kini og letter "G" "S" ug "T".

Ang upat ka housemate nakugang sa gisulti ni Kuya nga ang ilang mga senina putol-putolon og sunogon.

Diin ang letter G nagpasabot sa "gupit" og ang mga senina nga nabutang sa kahon nga nagtangag sa maong letra hutdon sa paggunting.

Ang S nagpasabot sa sunog og ang senina nga nabutang sa kahon nga dunay letrang S hutdon sa pagsunog.

Ang tanang senina nga nahimutang sa kahon nga dunay letrang T ipalabay tungod kay ang buot pasabot niini "tapon".

Sila si Nene, Cass ug Uma wala motuman sa sugo ni Kuya diin ang tulo mipakita sa pagkamahinungdanon sa ilang mga butang.

Si Jason mibalibad usab dihang gisugo kini ni Kuya nga ipasunog ang duha ka karsones ni Uma.

Diin sa maong pagdumili si Jason giingnan kini ni Kuya nga ipahipos na ang iyang mga gamit.

Si Kuya mimando nila ni Cass, Nene ug Uma nga moadto sa storage room diin ang tulo halos mahilis sa kaulaw tungod kay dili karsones ni Uma ang gustong ipasunog ni Kuya.