Kinsa may hambugero nila?

Gipangutana si Rafael Russel kon nganong mas misikat man kono karon si Sam Milby kay kaniya ug diritso konong gitubag ni Rafael nga, dili kono siya magpagamit og gay. Ang buot ba niyang ipasabot nga ikapanghambog niya nga way gay nga nakagamit niya samtang may nakagamit na ni Sam? Sa laing bahin, sa dihang gipangutana usab si Sam kon may kahigayonan bang magka uyab sila'g si Chx o dili ba si Cassandra Ponti, diritso sad kono siyang miingon nga dili niya type ang duha samtang giangkon niyang daghan na siya'g gika-date nga mga taga ABS-CBN, apan dili gihapon niya type ug ang type niya mao si Heart Evangelista nga karon, na-link kang Jericho Rosales ug miingon kono si Sam nga, dili pa maseguro ni Jericho kon maiya na ba gyod si Heart labi na kon mosugod na siya'g pangulitawo ni Heart. Kinsa kahay labaw ka hambugero nilang Sam Milby ug Rafael Russel no?