ABS-CBN mihakot og tropeyo sa Star Awards

Ang ABS-CBN mikuha og 27 ka tropeyo sa 48 ka kategorya sa 19th Star Awards for Television niadtong Domingo sa gabii.

Si Judy Ann Santos napiling Best Drama Actress sa iyang role sa "Krystala' samtang si John Lloyd Cruz gitawag nga Best Drama Actor sa "It Might Be You".

Ang "Game Ka Na Ba?" diin ang host niini si Kris Aquino maoy napiling Best Game Show.

Ang "ASAP" usa ka programa kada Domingo ang napiling Best Musical Variety Show.

Si Willie Revillame maoy napiling Best Male TV Host sa noontime show niining "Wowowee".

Si Luis Manzano ug Jodi Santamaria ang napiling Best Talent Search Hosts sa " Star Circle Teen Quest" ug ang "Search for a Star in a Million" ang napiling Best Talent Search Program.

Si Boy Abunda ug Cristy Fermin ang napiling Best Showbiz-Oriented Hosts sa "The Buzz".

Ang "At Home Ka Dito" ang napiling Best Lifestyle show ug ang host niining si Charlene Gonzalez-Muhlach ang napiling Best Lifestyle Show Host.

Ang ABS-CBN and current affairs shows and talent mikuha usab og mga awards.

Ang "TV Patrol World" maoy napiling Best News Program diin ang anchor niining si Julius Babao ang napiling Best Male Newscaster.

Si Korina Sanchez mikuha og dobleng pasidungog kinsa nahimo kining Best Magazine Show Host ug ang programa niining "Rated K" napiling Best Magazine Show.

Ang Best Documentary Program Host gi-award ngadto ni Karen Davila sa "The Correspondents".

Ang "Magandang Umaga Pilipinas" ang nakakuha sa award nga Best Morning Show diin ang mga anchor niini napiling Best Morning Show Hosts.