Inahan ni Mark gidaot ni Jennylyn

Nabaniog ang balita nga nagbulag na sila si Jennylyn Mercado ug Mark Herras. Apan ang mas init kaayo nga isyu mao ang taho nga gidaot ni Jennylyn ang inahan ni Mark nga mao kunoy hinungdan sa ilang panagbulag.

Dili diay tinuod nga si Pauleen Luna ang hinungdan sa break-up nilang Mark ug Jennylyn tungod kay managhigala lang sila si Pauleen ug Mark. Sa pagkakaron nabaniog kaayo ang balita nga mapapas na ang loveteam nila ni Mark ug Jennylyn tungod kay may plano kuno ang GMA Network nga ipares si Jennylyn ngadto ni Hero Angeles.

Sukad pa niadto nga dili gyod magkasinabot si Jennylyn ug ang inahan ni Mark ug kini misangko gayod sa dili maayo nga linugdangan nga nakaapekto sa relasyon nilang Mark ug Jennylyn.