Dolphy Santa Claus sa Pinoy Big Brother's 'Big 4'

Sayo kaayong miabot ang Pasko sa Pinoy Big Brother house niadtong Domingo diin si Dolphy midala sa papel isip Santa ngadto sa upat ka nahibiling housemates.

Sa wala pa moabot ang alas 10:00 sa gabii gipukaw ni Big Brother ang housemates kinsa nangatulog na.

Diin ang housemates gimandoan ni Big Brother nga moadto sa garden.

Ang upat ka housemates nasurpresa kini dihang mipakita si Dolphy sakay sa golf cart.

Ang comedy king nagsul-ob og senina ni Santa diin nagdala kini og mga pagkaon sa pasko ug regalo para kang Uma, Cass, Nene ug Jason.

Gipangutana ni Dolphy ang housemates sa ilang mga wishes sa pasko.

Si Nene kinsa nakadawat og regalong camera gusto nga ang iyang pamilya maghiusa karong pasko.

Si Cass kinsa ganahang magluto nakadawat og dinner set nga duwaan.

Human sa hamubong panag-istorya sa garden si Dolphy nakig-uban og sayong noche buena sa housemates.