Wa na lang konoy kihaay

Gisibog na ni Claudine Barretto ang iyang kiha batok kang Jo-Ann Maglipon. Tingali, gitambagan siya sa iyang mga spiritual adviser nga dili na lang mangita og samok, kay kaslonon raba, basi'g ma-karma unya. Pero kinsa man kini si Jo-Ann Maglipon? Siya ang Editor-In Chief sa Yes Magazine. Kon The Freeman pa kana, siya mao si Sir Jerry Suico Tundag o JST nga, gitahod sa tanang mga taga The Freeman, busa, angayan sad untang tahuron si Jo Ann Maglipon, labi na kay national glossy magazine ang Yes, ug dili mahimutang si Jo Ann Maglipon sa maong magazine kon wa siya'y tino nga credentials.

Pero nahibawo ba mo nga way klarong office table si Jo Ann Maglipon? Ang dining table kuno nila sa ilang pinuy-anan mao ray iyang office table, ug ang iyang staff, anha ra pod makig meeting kaniya sa ilang dining table. "Malaki ang mesa, kaya puwede kong ihilera ang researches, dictionaries, drafts, reference books, clippings, and laptop na hindi magbabanggaan." Miingon si Jo Ann. Matud niya, neat, pero samok sad kono ... samok, pero, makit-an dayon ang gusto niyang pangitaon.