Giingong daghan ang naglagot kang Kristine karon tungod kay nagpatuga-tuga kini og sang-at og annulment nga ang tinooray padayon man gihapon ang relasyon nila ni Diet.
Matud pa nga bisan pa niadtong gidungog nga nagkabuwag na silang duruha kanunay gihapon nga makita si Diether ug Kristine nga mag-date busa gikataho nga dunay nihingan sa duruha nga mga bakakon.
Apan daghan usab ang nagtuo nga hayan duwa lang sa kampo ni Kristine ang mga tsismis karon batok sa aktres aron subli nga muhumot ang bitoon sa nahisgutan.
Kini tungod kay una na nga na-intriga nga nagproblema ang ABS-CBN karon unsaon pag-market ang soap opera nga "Gulong Ng Palad" nga gibitoonan ni Kristine tungod kay walay interesado nga advertiser niini.
Nabantayan nga sige nalang og balik balik ang teaser sa "Gulong" sa hataas na nga higayon apan wala pa gyud kini naka-take off dili sama sa "Panday" nga gibitoonan sa kanhi rumored boyfriend ni Kristine nga si Jericho Rosales.