Naturalmente siya ang labing pinangga karon sa Star Magic gani atol sa Advertiser's Night sa Abs-cbn didto sa Westin Philippine Plaza recently, tulo ka bodyguard ang gitagana ngadto kang Sam tungod kay walay pu-as ang pag-letratohay with the advertisers.
Apan bisan pa man niining ka-ilado na ni Sam dili tanan nakaila niya sanglit ang komedyante nga si Dennis Padilla nangutana pa man og sikat ba gyud ang Fil-Am.
I don't know him- kini maoy giingong gibalik balik og pamahayag ni Dennis sa dihang gipangutana sa mga reporters nga nitambong sa maong okasyon.
Duna hinooy medyo bulok sa favoritism ang maong pamahayag ni Dennis sanglit isip konsehal sa Caloocan buot ni Dennis nga si Jason ang mogawas nga Big winner.
Suma pa ni Dennis nga sa higayon nga makadaog si Jason tibook Caloocan gyud ang mag-celebrate sanglit ganahan kang Jason ang mga residente didto gumikan sa iyang kasaysayan.
Si Jason kanhi nanimpad sa gawas sa nasud aron matabangan ang iyang pamilya sa kalisud sa pagkinabuhi ang niangkon nga inspirasyon niya sa iyang pagsalmot ang iyang anak ug asawa.
Gidugang ni Dennis nga hero's welcome ang ilang ihatag kang Jason sa higayon nga makagawas na kini sa Bahay ni Kuya susama sa kabongga nga gibubo ni Mayor Lito Atienza kang Manny Pacquiao ning bag-o lang.