Way planong itug-an amahan sa gisabak

Way plano si Jackie Forster nga itug-an kung kinsa ang amahan sa gimabdos niya karon pero malipayon siya kay feeling niya, blessing ang baby gikan sa Ginoo. Nahibaw ang tanan nga lisod niyang makita ang two kids niya kang Benjie Paras tungod kay wa pa mahusay ang ilang problema. Tungod ini, pirme lang siya depressed.

Pinangga kaayo niya ang iyang mga anak ug wa gani siya nisugot nga paeskwelahon abroad kay di siya gustong malayo nila. Kining baby niya karon iya kunong suportahan nga mag-inusara so "no one can take my baby-away from me," ingon pa niya.

Regarding ex husband Benjie Paras, iyang giklaro nga wa na siya masuko niya, in fact, mas gusto niyang mahimo silang good friends for the sake sa ilang mga anak.

* * *

Mas gusto ni Sharon Cuneta ang iyang lifestyle karon. More than anything else, ang iyang pamilya maoy iyang top priority. Niabot na siya sa point nga modawat na lang siya og project nga gusto lang niyang buhaton. Ang iyang TV show maoy iyang siguradong balikan pero early next year pa. Kay maayo man ang relasyon sa megastar sa iyang home studio, sa ABS-CBN gihapon siya mobalik.

Dako og panahon si Sharon para kang Frankie ug Miel unlike sa panahon ni KC nga banat gyud siya sa pagtrabaho. Medyo alkanse si KC dihang dapita, pag-angkon pa ni Sharon. Bisan gikan siya sa kwartahang pamilya, di siya gustong magsalig sa iyang parents.

Matud pa ni Sharon, kung sayo-sayo lang sila nagkita ni Kiko Pangilinan, basig six na kabuok ang mga anak nila karon. Dakong pamilya gyud ang gusto nilang duha.

* * *

Nagtuo si Lucy Torres at first nga host lang siya sa dance show sa ABC 5 nga "Shall We Dance" pero required sad diay siyang mosayaw once in a while. Way problema sa part niya kay hilig gyud niya ang dancing. Mga celebrity contestants ang i-feature sa show maong lahi na sa nanglabay nga dance shows before.