Dan Fernandez ug Shiela nagbinayloay og pasangil

Mipasaka og counter charges ang actor ug kanhi Bise Mayor sa Laguna nga si Dan Fernandez batok sa asawa niining si Shiela Ysrael.

Bag-o lang si Shiela mipasaka og kaso batok sa iyang banang si Dan kinsa iya kining gipasanginlan nga mamun-og kaniya.

Apan ang maong pasangil gihimakak sa actor-politician.

Matud pa ni Dan nga kung iya pa kunong gibun-og si Shiela sukad niadtong 1998 nganong wala kuno kini mosumbong ngadto sa mga awtoridad.

Si Dan mipasangil nga tungod sa pagkabuang sa iyang asawa ngadto sa lain maoy hinungdan sa ilang panagbuwag.

Si Shiela wala mohatag og komento sa maong isyu diin ang duha mag-atubang karong semanaha sa initial hearing sa ilang kaso.