Makalahutay kaha si Arceli?

Kanunay nakong makita ang panagway ni Arceli Palacio Bullo, ang taga Ganciang Street sa Barangay Punta Prinsesa (silingan nilang Rolly ug Dra. Lorna Diorico), nga maapil sa matag plugging sa Starstruck busa, mi-text ko niya ug nangutana ko niya'g naapil ba siya sa Final 14 apan mi-text siya pagbalik og miingon nga naapil siya sa Top 60, pero wa pa sila pahibaw-a'g kinsay mapili alang sa Final 14. Tungod niini, hangtod karon, nanghinaot kong maapil gyod siya sa Final 14, pero ambot, kay dili na gyod kita makapaneguro.

Si Arceli, kadaghan na nato ma-feature dinhi sa Banat, kay kadaghan na man siya makakuyog sa among mga shows, gawas nga nakaapil siya sa "For Life" sa ABS-CBN kauban ang iyang manghod nga si Mitzi. Nakaapil pod siya sa "Pinoy Pop Superstar' dili pa dugay, apan napilde'g usa ka point sa midaog (ni Aicele Santos). Hinaot nga makalahutay si Arceli, bisa'g ang buot ipasabot niini, ma-sakripisyo ang iyang pagkuha'g Computer Science diha sa USJ-R.