Jimmy Bondoc mahadlok kang Ara

Mahadlok ang acoustic singer nga si Jimmy Bondoc nga ma-link sa sexy actress nga si Ara Mina busa labihang nakahangyo niini nga dili nalang hatagan og malisya ang ilang closeness karon.

Gipaniguro ni Jimmy nga purely business ra ang ilang relasyon ni Ara sanglit siya maoy nagtabang karon sa aktres sa gigama karon niini nga acoustic album nga i-release sa BMG records next year.

Natuki ang posibilidad nga hayan magkauyab silang duha sanglit kanunay nga moadto si Ara sa balay ni Jimmy tungod sa nahisgutang album diin dunay higayon nga sila ra gyung duruha og walay makabalda.

Matud ni Jimmy dili siya manguyab kang Ara tungod kay dili siya buot nga maguba ang maayo nilang pagtinagdanay isip suod nga managhigala.

Mismo si Ara nihangyo usab kang Jimmy nga itug-an gyud sa mga reporters kon unsay real score tali nilang duruha aron dili sila intrigahon nga posibling makaapekto unya sa iyang gi-record karon nga album.