Ai-ai naglagot ni Sam Milby

Gisapot si comedy queen Ai-ai delas Alas sa crush ng bayan nga si Sam Milby tungod kay makaduha na kini kahigayon nga giyam-iran ang iyang imbitasyon.

Gidapit diay ni Ai-ai si Sam nga maoy mo-guest sa iyang show adto unta sa Klownz Araneta apan wala kini panumbalinga sa nahisgutang Filipino-Canadian.

Unang rason ni Sam mao nga duna siyay laing buhaton apan the second time nga gihangyo kini ni Ai-ai nagdayalog ang tsoytsoyan nga newcomer nga duna siyay presscon nga naatol og pani-udto.

Nalokah si Ai-ai sanglit ang show niya sa tungang gabii pa mahitabo apan giingong mitubag si Sam nga masuko ang iyang inahan kon magpagabii siya kay kapoyon na unya siya.

Pwes ang buwelta ni Ai-Ai I-cancel na si Sam dungan sa pagkomentaryo nga maayo pa og dili na lang mag-artista ang newcomer nga karon nisikat gumikan sa Pinoy Big Brother.

Matud ni Ai-ai nga nalokah siya kang Sam tungod sa kadaghan og ka-dramahan niini imbis nga nagsugod pa siya sa showbiz samtang si Piolo Pascual kon maoy imbitahon isip guest dili man gani mangayo og talent fee.