CJ nawad-an na og gana kang Ryza

Wala na magpaabot si CJ Muere nga mauli pa ang maayo nilang pagtinagdanay ni Ryza Cenon tungod kay hingpit na gyud niya nga gikalimtan nga nagkauyab silang duha usa ka higayon niana.

Suma pa ni CJ nga sa wala niya tuyoa nga pagbati na-feel na lang niya nga bugnaw na ang iyang pagtagad kang Ryza ug nga bisan unsaon og hunahuna dako na gyud og kalainan ang ilang closeness kaniadto.

Giklaro ni CJ nga kon makita man ugaling sila nga mag-uban ni Ryza kana tungod lang kay duna silay commitment isip loveteam ug ang tanan trabaho na lang alang kaniya.

Giangkon niya nga gisakitan siya human gipanghimakak ni Ryza atol sa interview sa usa ka talk show nga nagkauyab sila panahon pa sa Starstruck.

Suma pa ni CJ dili maayo ang pag-deny ni Ryza tungod kay apektado ang ilang loveteam gawas pa nga gihuna-huna unta sa nahisgutan ang iyang bation isip lalake niadtong higayona.

Niingon si CJ nga wala usab siya makauyon sa panghitabo karon nga bisan kinsa nalang ang ma-link kang Ryza sanglit ang ilang loveteam maoy grabe nga maapektuhan.

Gidugang niya nga laing rason nganong nahanaw ang iyang pagbati kang Ryza mao ang pagka-busy nila karon sa ilang tagsa tagsa ka showbiz commitments.