Komedya ra diay

Gipanalipdan ni Ruffa Mae Quinto si Gretchen Barretto human nigawas ang tsika nga gi-snub siya ni Greta atol sa kasal nila ni Andrea Bautista ug Jun-jun Ynares ning bag-o lang.

Nabatian man gud si Greta nga nagdayalog pagkakita niya ni Ruffa Mae nga "Who's that girl?" hinungdan nga ang nakabati nagduda nga wala diay magkailhanay ang duruha ug dali nga nihatag og lain nga interpretasyon.

Actually managhigala diay ang duruha ug nga matud ni Ruffa Mae nga komedya ra ang maong linya ni Greta patumong ngadto niya sanglit ang drama diay ni Gretchen mao ang pagpangutana nga "Sino ba tong maganda na babae na to?'

Matud ni Ruffa Mae nga human siya gipangutana ni Gretchen nagkinataw-anay silang duruha dayong beso-beso.

Gipasabot ni Ruffa nga duna nay maayong bonding daan ang iyang friendship with Gretchen gani gihatagan man siya sa naulahi kaniadto og make-up nga susama og brand sa gigamit ni Madonna.

One time dihang nagtinguha siya pagpalit og Jaguar nga sakyanan si Gretchen maoy nikuyog niya sa buhatan sa Jaguar Philippines sa ingon makapili siya og de kalidad nga modelo.

With these giklaro ni Ruffa Mae nga dili maayo nga hatagan og dautang bulok ang maong komedya ni Gretchen ngadto kaniya sanglit walay igo nga basehanan ang tanan.