Yes, yes yo! Karong December 10 ipahigayon sa Cueshe ang ilang labing una nga major concert didto sa National Capital Region o kauluhan diin adto kini mahitabo sa Music Museum.
Nahug og all Cebuano showcase ang maong concert gumikan kay guest unya sa Cueshe ang power belter nga taga Carcar nga walay lain kondili si Sheryn Regis.
Giulohan og Cueshe Live: Big Night at the Music Museum kini ang labing una nga major project sa ETM Productions ubos unya sa direksyon ni Bong Ferrer.
Ang Cueshe gilangkuban nila ni Jay Justiniani, Ruben Caballero, Jhunjie Dosdos, Mike Manaloto, Fritz Labrado ug Jovan Mabini.
Si Jay karon maoy gikakubtan og maayo sa kabayutan ug kababayan-an sanglit papable kuno ang ka guapo niini buot ipasabot nga certified boyfriend material ang nahisgutan.
Nagkinahanglan gyud ang Cueshe og suporta dinuyugan sa mga pag-ampo aron magmalampuson ang mao nilang concert sanglit dungan unya kini sa Grand Final Night sa Pinoy Big Brother sa ABS-CBN.
Sa international scene, December 10 mao ang Coronation night sa Miss World didto sa Sanya China diin nanimpad karon ang representante sa Pilipinas nga si Carlene Aguilar.