Sugboanon sad

Ipasundayag na pod diay ang lain na usab nga indie o digital film nga nag-ulohan og "Ang Pagdadalaga Ni Maximo Oliveros" nga gibitoonan sa usa ka Jomari Yllana look-alike kuno nga si Nathan Lopez, ug usa ka Cebuano nga nakaplagan kono sa director dinhi sa Cebu og usa gyod kono ka Sugboanon nga si JR Valentin. Si Nathan Lopez maoy nagdala sa title role samtang si JR Valentin mao kono'y gitawag ni Maxi og "knight in shining armor" nga maoy nagustohan ni Maxi sa iya nang pagkadalaga kono. Ang nakakita kono sa maong film dili gyod malimot sa acting ni Nathan Lopez dinhi, og maayo sad kono si JR Valentin isip Victor. Pulos mga first timer ang duha. Dili si Nathan ang first choice kon dili si Angelo Ilagan, apan may pagka matured ra konong tan-awon sa screen. Maayo raba gyod kono unta. Hinuon, ang "Ang Pagdadalaga, midaog og mga awards sa laing nasud usab. Napiling Best Film sa Golden Zenith Award sa 29th Montreal Film Festival.