Iya Villania mihimakak sa mga pasangil batok kaniya

Ang TV host sa ABS-CBN nga si Iya Villania mihimakak sa pasangil nga mipakita og dili maayong pamatasan ngadto sa mga polis nga miyembro sa Traffic Management Group (TMG) dihang gi-reclaim niini ang iyang Nissan Safari Patrol sport utility vehicle (SUV) sa Camp Crame.

Si Villania kinsa naghilak nga mitubag sa interview niini sa "The Buzz" niadtong Domingo nagkanayon nga wala siyay katungod nga makig-batok sa mga polis ug sa gobiyerno.

Gibutyag ni Villania nga nadismaya siya tungod kay nangawagtang ang iyang tanang butang didto sulod sa sakyanan.

Gikuhaan kuno siya og video dihang gikuha niya ang yawe sa iyang sakyanan sa mga polis diin nagpasalamat siya ngadto sa mga polis.

Diin dunay mga rason nga wala siya malipay tungod kay tawo lang siya matud pa ni Villania.

Si Villania nagkanayon nga na misinterpret lang ang iyang action ug gisulti niadtong higayona diin nangayo siya og pasaylo ngadto sa kapolisan.