Walay reaction ang asawa ni Willie

Sa tinud-anay lang, daghan ko'g napangutana nila ni Willie Revillame ug mga kauban atol sa gipahigayong press conference nga gipahigayon didto sa Casino Pilipino sa Waterfront Hotel-Lahug niadtong Biyernes, Nobiyembre 11, apan ang uban niini, gika-report na sa ubang mga showbiz reporters busa ang akong i-report mao ang wa mareport nila, kini mao ang pangutana nako kang Willie kon unsay reaction sa iyang asawa ug unsay i-greet sa iyang asawa ngadto kaniya human siya malambigit sa usa ka kontrobersiya labi na ang kabahin sa sexual harassment nga gipasangil ngadto kaniya. Mitubag si Willie nga dili gyod kono na hisgotan sa iyang asawa ngadto kaniya kay matud niya, ang ila konong kagahapon sa matag usa kanila, gilubong na nila sa kalimot human sa ilang kasal busa, walay reaction ang iyang asawa kon duna pay laing mga pasangil, kay nasayod kono ang iyang asawa nga nausab na gyod siya, labi na kay duna kanunay mga ('La Guardia" (mga tigulang nga kanunay'ng anaa sa programa) nga kanunay'ng magpasidaan kaniya sa unsay maayo o dili maayo. Mipasabot usab sila nga ang mga televiewers nasayod kinsay unang gihatagan og mga dollars sa audience. Kini walay laing nag-una kon dili si Willie. Sa una, dili gyod unta nila dawaton, apan mo insister kono ang mga balikbayan, busa, gibutang na lang nila sa usa ka foundation o ihatag sa mga mosalmot.