Jolina Magdangal andam nga magmaninay

Walay nakitang rason si Jolina Magdangal nganong mobalibad siya kon ugaling hangyuon siya sa kanhi niya hinigugma nga si Marvin Agustin aron maoy mangugos sa kaluha nga anak niini.

Suma pa ni Jolens nga andam siya nga mahimong maninay sa mga anak ni Marvin diin ang inahan niini mao si Tetet Dy nga nagbase karon sa Amerika.

Jolens said dili angayan nga balibaran si Marvin kon mohangyo kini niya sanglit usa ka blessing ang pagpangugos og bata sanglit mga anghel kini.

Apan mikomedya si Jolina nga kinahanglan nga siguroon una niya nga mutunga si Marvin ug Tetet sa simbahan nga himoan unya sa bunyag.

Ang komedya ni Jolens naggumikan sa kontrobersyal nga pagtalikod ni Marvin kaniya sa dihang nisalmot silang duruha sa Extra Challenge sa GMA-7 months ago.

Giklaro ni Jolens nga wala siya maglagot kang Marvin sanglit nasayod siya nga gusto gyud unta ang naulahi nga humanon ang challenges sanglit naluoy ang aktor kaniya ug sa mga bata nga mao untay silbi nila mga anak.

Hangtud karon wala siya makasabot nganong gipa-withdraw sa abs-cbn from Extra Challenge si Marvin nga unta duna man kini pagtugot sa talent center nga mo-guest ang aktor sa show sa Kapuso network.

Subling giangkon ni Jolens nga mahadlok gyud siya og challenges apan lagi kay iyang nasayran nga kauban niya si Marvin nangahas siya pagsalmot sa Extra Challenge aron unta paghatag og kalipay sa mga fans nga nisuporta sa ilang loveteam kaniadto.