Padayon ang charity work

Bisa'g nagpadayon usab ang pagkwestyon sa BIR sa Asia's songbird, Regine Velasquez, nagpadayon gihapon ang iyang charity work. Dili pa lang dugay, gibaligya niya ang iyang mga gowns og ang halin niini, gi-donate ngadto sa Kapuso Foundation, ug ang iyang concert nga Reflections alang kono sa mga cancer victims. Tungod niini, daghan sa iyang mga fans miingon nga angayang pasayloon na lang si Regine sa BIR apan pipila usab miingon nga angayang manubag si Regine aron way duda nga tinuod siyang nanikas sa gobyerno. Gipaabot gyod hinoon gihapon sa tanan niyang mga fans ang umaabot niyang pelikula nga himoon sa Star Cinema, bisa'g Kapuso si Regine. Iyang ikauban si Zsa Zsa Padilla uban usab kang Piolo Pascual. Sa laing bahin, ang pelikula ni Zsa Zsa nga nag-ulohan og "Ako ... Legal Wife" gihimo sa Regal. Giintriga si Zsa Zsa nga dili siya legal nga asawa, kay hangtod karon, wa pa sila makasal si Dolphy. Si Piolo, kauban ni Judy Ann Santos sa pelikula sa Star Cinema nga ang tentative title, "Sagada," tungod kay didto man sa Sagada, bukid sa Baguio ang shooting.