Zsa-zsa nanalipod kang Kuh

Gipanalipdan ni Zsa-zsa Padilla ang iyang higala ug susama usab niya nga singing Diva nga si Kuh Ledesma batok sa pagsaway sa usa ka Canadian writer sa naulahi.

To recall bag-o pa lang nahuman ang series of shows abroad nila ni Zsa, Kuh ug Gary Valenciano diin matud pa puro positibo ang komentaryo sa international media kalabot sa ilang performance.

Apan dunay Canadian writer nga nisaway kang Kuh sanglit ang ulahi giingon nga labihan ka "preachy" or murag pari nga magwali sa dili pa musugod og birit.

Gilabanan ni Zsa-zsa si Kuh pinaagi sa pag-ingon nga dili malikayan ang maong mga esena sanglit ang naulahi labihan ka relihiyoso ug deboto nga katoliko.

Gidugang ni Zsa-zsa nga walay sayop kon batbaton ni Kuh ang ngalan sa Ginoo tungod kay suma pa niya gusto lang sa iyang suod nga higala nga masayod ang kinabag-an unsa ka maayo ug ka matinabangon ang labaw nga Makagagahum.

Samtang giangkon usab ni Zsa-zsa ang mga intriga nga siya maoy nakadugay sa shooting sa "Mano Po 4- Ako Legal Wife" sanglit kanunay siya nga wala sa nasud gumikan sa nahisgutang mga shows abroad.

Apan nihangyo si Zsa-zsa nga dili angay ibasul niya ang tanan sanglit ang iyang co-star nga si Cherie Pie Picache naospital usab gumikan sa sakit nga dengue.

Zsa-zsa plays the legal wife sa nahisgutang lilas diin si Cherrie Pie ug Ruffa Mae ang mga kabit sa iyang bana nga insik nga gihatagan og hustisya sa pelikula ni Jay Manalo.

According to Zsa-zsa wala silay problema sa taping with Cherrie Pie ug Ruffa Mae sanglit dali ra silang magkasinabot tungod kay pareho sila nga Gemini ang zodiac sign. Gani sama sila og birthday ni Cherrie Pie - May 28 samtang si Ruffa, May 27.